Dros Sectorau Eraill

Os yw'ch sefydliad yn dod o fewn un o'r sectorau Archeb Gychwynnol, ond heb ei enwi fel sefydliad archeb gychwynnol, yna dylech gysylltu â swyddfa prosiect y PSBA yn Llywodraeth Cynulliad Cymru, neu â'ch cynrychiolydd sector er mwyn trafod dod yn sefydliad sy'n derbyn. Bydd angen i bob sefydliad nodi'r gwasanaethau cysylltedd mwyaf priodol a thrafod trefniadau cyllido. Mewn rhai achosion mae arian yn cael ei ddarparu drwy gyllidebau lleol ac mewn achosion eraill drwy gyllidebau ar y cyd.

Os yw'ch sefydliad y tu allan i'r sectorau Archeb Gychwynnol, yna fyddwch chi ddim yn gallu archebu gwasanaethau yn ystod y cyfnod archebu cychwynnol. Serch hynny, dylech gysylltu â Thîm Prosiect y PSBA yn Llywodraeth Cynulliad Cymru i gofrestru eich diddordeb yn y Rhwydwaith PSBA mewn cam gweithredu dilynol. Bydd Tîm Prosiect y PSBA'n esbonio'r broses ymgysylltu, yn edrych ar y model cyllido ar gyfer eich sector neu'ch sefydliad ac yn gweithio gyda chi ar y prosesau o ymuno â'r Rhwydwaith PSBA.

Sefydliadau Eraill
Mae llawer o sefydliadau sector cyhoeddus eraill yng Nghymru. Mae gan bob un ohonynt anghenion o ran gwybodaeth a chyfathrebu. Mae gan lawer ohonynt eu rhwydweithiau eu hunain. Mae'r rhain yn cynnwys: -

• Cynulliad Cenedlaethol Cymru
• Llywodraeth Cynulliad Cymru
• Rhwydweithiau Gwasanaethau Brys
• Awdurdod y Parciau Cenedlaethol
• Cyngor Cefn Gwlad Cymru
• Y Gwasanaeth Amgueddfeydd
• Traffig Cymru
• Amgylchedd Cymru
• Sefydliadau'r Sector Gwirfoddol