Gwasanaethau

Mae gwasanaethau rhwydwaith PSBA yn diwallu anghenion amrywiaeth o gwsmeriaid, o sefydliadau bach â gofynion cymharol syml, i wasanaethau neu gymunedau gwasanaeth mawr iawn sy'n defnyddio lled band uchel ac sydd ag anghenion uwch o ran TGCh, cyfathrebu a chydweithredu.

Mae rhwydwaith PSBA yn llwyfan gwybodaeth hyblyg, graddedig a thryloyw sy'n galluogi'r rhai hynny yn y sector cyhoeddus i gyflwyno'r gwasanaethau gorau am y pris gorau i bobl Cymru.

Gwasanaethau Rhwydwaith Craidd

• Lled band rhwng 1Mbps ac 1Gbps
• Mynediad i'r Rhyngrwyd a Gwasanaethau Pyrth
• Gallu aml-gast a gwasanaethau cyfeirio IP
• Gwasanaethau System Enw Parth (DNS) a chofrestrfa parth
• Hidlo Cynnwys i fodloni safonau'r Internet Watch Foundation
• Cysylltiadau diogel ag adnoddau a rennir ac er mwyn rhannu gwasanaethau
• Cyrchiad Pell

Yn y rhan fwyaf o achosion, gall defnyddwyr terfynol ddewis gofyn am wasanaethau ychwanegol ar gost y cytunir arni.

Gwasanaethau Rhwydwaith Uwch

Gall rhwydwaith PSBA, yn ogystal â'r gwasanaethau rhwydwaith craidd, ddarparu:

• Gwasanaethau waliau tân a reolir
• Gwasanaethau Cyfieithu Cyfeiriadau Rhwydweithiau Lleol (NAT)
• Adnoddau gwell i hidlo cynnwys
• Gofynion hydwythedd wedi'u teilwra
• Gwasanaethau terfynu Rhwydwaith Preifat Rhithiwr lleol
• Cymorth ar gyfer traffig sydd wedi'i Farcio'n Ddiogel hyd at CYFYNGEDIG

Gwasanaethau Proffesiynol

Er mwyn sicrhau newid esmwyth i rwydwaith PSBA, a sicrhau bod gwasanaeth y rhwydwaith yn bodloni seilwaith a safonau technegol unigol, mae ymgynghorwyr technegol ar gael i ddarparu'r gwasanaethau canlynol.

• Cyngor technegol gan gynnwys cynllunio capasiti
• Gwasanaeth ymgynghori ar ddylunio ac optimeiddio'r Rhwydwaith
• Cyngor ar weithredu offer uwch o ran Protocol Llais dros y Rhyngrwyd, dulliau cyfathrebu unedig neu ddulliau cyfathrebu fideo