Beth Rydym yn ei Wneud

Mae rhwydwaith PSBA yn rhwydwaith cenhedlaeth nesaf sy'n darparu un llwyfan cyfnewid gwybodaeth a chyfathrebu ar gyfer y sector cyhoeddus yng Nghymru. 

Drwy gydgasglu'r galw am gysylltiad cyflym ar un seilwaith ffisegol gan ddefnyddio technolegau cyfathrebu rhithwir, rydym yn creu arbedion cost ynghyd â phosibiliadau di-ddiwedd ar gyfer cydweithredu.

Mae'r rhwydwaith yn wasanaeth arloesol a rennir gan y sector cyhoeddus.

Mae'n cysylltu â rhwydweithiau presennol yn y sector cyhoeddus gan gynnwys JANET, N3 a GCSx, yn cysylltu Cymru â'r sector cyhoeddus ehangach yn y DU ac yn bodloni'r holl gategorïau a thystysgrifau diogelwch perthnasol.

Mae rhwydwaith PSBA yn gwneud y canlynol; 

• Darparu gwasanaethau lluosog, diogel a hydwyth gan drosglwyddo data yn gyflym
• Cynnal cymwysiadau fel teleffoni a fideogynadledda
•  Meddu ar led band graddedig ac ymraniadau rhesymegol diogel
•  Galluogi sefydliadau sy'n rhan ohono i weithio'n fwy effeithiol gyda'i gilydd
• Lleihau costau oherwydd arbedion maint a thrwy osgoi dyblygu
• Sicrhau safonau cyffredin gan sicrhau gweithrediad gwell
• Cynnig cyrhaeddiad rhwydwaith estynedig i Wasanaethau Cyhoeddus ledled Cymru
• Ysgogi newid ar draws prosesau presennol a sefydliadau

Gall rhwydwaith PSBA effeithio ar bob agwedd ar wasanaethau cyhoeddus, o lywodraeth leol i iechyd, addysg a gwasanaethau brys ac ymhob rhan o Gymru.